أصدقاء التل
اهلا وسهلا بك معنا أخي الكريم

أذا كانت هذه زيارتك الاولى فنتمنى ان تعجب بمنتدانا وان تستفيد معنا

ونتمنى ان تكون عضوا بفريق الاعضاء المميزين


((أعضاء منتدى أصدقاء التل ))



 
الرئيسيةاصدقاء التلالتسجيلدخول
لاتنسى ذكر الله . اقم صلاتك قبل مماتك . يا رضى الله ورضى الوالدين  . الجنة تحت اقدام الامهات  . لا أله الا الله محمد رسول الله . سبحان الله والحمد لله والله أكبر
اللهم اكفني بحلالك عن حرامك واغنني بفضلك عمن سواك، اللهم اني اعوذ بك من الهم والحزن والكسل والبخل وضلع الدين وغلبة الرجال

اللهم احقن دماء المسلمين

شاطر | 
 

 من اهم منجزات الثورة السورية ...هو سقوط الاقنعة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
alz3im
كبار الشخصيات
كبار الشخصيات
avatar

عدد المساهمات : 3787

مُساهمةموضوع: من اهم منجزات الثورة السورية ...هو سقوط الاقنعة    الإثنين أبريل 02, 2012 1:38 pm

بسم الله الرحمن الرحيم
أجمل شيئ بالثورة السورية … معجزة البطولة الكرامة … و واحد من أهم المكتسبات على الإطلاق ..

هو سقوط الأقنعة …و السقوط مو شلون ما كان … الأقنعة سقطت بشكل مدوي …
سقطت عن شخصيات عن أحزاب عن قضايا عن محاور … بدءا من أكبر التفاصيل وصولا
لسقوط القناع عن أحد أصدقائك مثلا الي بتشوفه بحياتك اليومية … و قيس على
هالأمثلة ..

بس أهم و أعظم ما حدث و باتفاقنا جميعا
.. هو سقوط القناع عن إيران و حزب الله و المقاومة و الممانعة و هالعلاك
المصدي و طبيعة العلاقة بين أميركا و إيران و اسرائيل … انكشاف هالحقائق
لدرجة إني أبسط إنسان بسوريا و حتى بالعالم صار على دراية فيها , هو الي
مخوف العالم لدرجة كبيرة و مخليه جمدان أمام جرائم النظام و القتل الي
عبيتعرضلو شعبنا … بحيث إنن واقفين أمام مقدار كبير من الوعي عند الشعب
السوري و سقوط النظام بوجود هالسوية من التفكير و دون وجود ضابط معين إلها
يضمن مصلحة الغرب بالمنطقة هو شي كتير خطير ..

اكيد
كان قبل الثورة في ناس عندها فراسة و قراءات بين السطور و بتعرف اني ايران
خطرها على أمتنا بيضاهي خطر اسرائيل و أميركا … و إني الدور القذر الي
عبتلعبو بتفتيت مكونات الأمة و بث السموم ببلاد المشرق و العالم الإسلامي و
العربي بشكل عام .. هي أكبر مما كانت سذاجتنا تتخيلو … بدي قول سذاجتنا
الناتجة عن طيبة القلب و الوطنية و العداء التاريخي لإسرائيل و الغرب الي
شربانينو مع حليب أمنا …

بس بشكل عام و بغض النظر عن
الإسثناءات …. شعبنا كان صامت اتجاه هالموضوع بدافع عداء اسرائيل و التوق
لتحرير الأرض و استعادة كرامة هالأمة … و لكن مع إيران و عصابة الأسد و حزب
الله .. هيهات يا زماني ..

بوقتا لما حزب الله دخل و
أسر الجنود الصهاينة و الي من وراها شعلت حرب تموز …. طلع مبارك و ملك
السعودية و وصفو العملية بالمغامرة غير المحسوبة … نحنا برد فعل طبيعي و
بريء و وطني وقفنا ضد هالكلام و اني لعمى اش عبعفسو هدول …. و عجبنا كلام
البطة لما قلن انصاف الرجال ردا على كلامن … بكل براءة …


هلأ بعد الثورة … و بعد ما توضحت الحقائق … صرت تفهم كلامن ( بغض النظر عن
كونن خونة متساوين مع عصابة الأسد بالخيانة بشكل أكبر أو أقل ) … بس بيبقو
بيعرفو الحقائق و شايفين ما تحت الطاولة من هداك الوقت …


الشرق الأوسط من فترة و هو متل الملعب …. كل الي عبيلعبو فيه أصدقاء و
حبايب … اميركا اسرائيل ايران النظام السوري حزب الله وووو … بس هاد لا
يمنع من الشد و الجذب بين هالأطراف لتقوية الموقف و امتلاك ( جوكر ) يفيد
من وقت لوقت …

مثلا النظام بدو يدخل خزب الله
بالحياة السياسية بلبنان و لكن مصطدم بوزن سياسي كبير للسنة بلبنان …
متمثلا برفيق الحريري … بيتم التخلص منه و اغتياله لتفضى الساحة
بالأنتخابات ..

اميركا بتشوف اني النظام السوري
تجاوز شوي الخطوط بهالعملية حتى لو كان صديق .. فبتضغط عليه بأساليبها
المعروفة دوليا و من خلال لعبة ( خود و جيب يا ابو نجيب ) تبع المحكمة
الدولية و ديتليف ميليس ووووو ..

النظام و ايران
بيفكرو بطريقة يطلعو فيها من هالضغوطات الهائلة الأمريكية الي وصلت لدرجة
الحكي بأسماء الشخصيات متل اصف شوكت و رستم غزالة و غيرن … بيدفعو حزب الله
ليدخل و ينفذ العملية الي جرت لبنان للحرب و بالأخير بتتوقف الحرب بالتوصل
لتسوية شاملة بين كل الشباب الطيبة …. بتقضي بإنهاء الضغوطات على النظام و
العودة للوضع الطبيعي السابق ..

فعلا … اي ملاحظ ..
بيقدر يشوف اني بعد حرب تموز … ما عاد حدا يقرب عالنظام السوري … و ررجعت
احواله مشيت و رجعت علاقاته الدبلوماسية تمام .. و عين الله عليه …


إيران بدورها هي اللاعب الأكبر بالمنطقة …. هي الي مهدت لأميركا غزو
أفغانستان و قدمتلها المساعدة بشكل كبير … و هي الي مهدت غزو العراق و
تدميره و أغرقته بمستنقع الطائفية و الخلافات ….. و نصبت الحكومة الي
بتريدها على حكمه …

بالأخير و بالعودة لما بدأناه ….
عظمة الثورة السورية و كلو طبعا بفضل الله … إني شرحت هالعلاقات و
الخيانات بشكل كبير و مبسط … بحيث إني صارت مفهومة و منتشرة بشكل غير قابل
للعودة …. يعني حزب الله انتهى( مع وقف التنفيذ ) بعد الثورة …. التعاطف و
الحاضنة الشعبية الي كان مكيف عليها طارت و صارت هباء …. الناس بكل البلدان
صارت فهمانة لحد كبير إني كل الي عملته و بتعمله ايران و معها النظام او
حزب الله … هو تنفيذ لأجندة معينة ذات هدف بعيد … و اني هو ابعد ما يمكن عن
الجهاد في سبيل الله أو في سبيل كرامة أوطاننا و تحررها و تقدمها ..

لذلك كونوا فخورين بثورتكم … و كونو فخورين اكتر بأنكن سوريين ….
و زيدوا مقدار التلاحم و التماسك بينكن … و تمسكو بالوعي لأني هو السلاح الأمضى .. و هو الأمر الي بيعجز النظام عندو أشد العجز ..
ما بقدر اوصف مدى فخري بالإنتماء لهالشعب العظيم … و بسأل ربنا عز و جل اني يزيدو قوة و يهديه و ياخد بإيده للنصر المبين …..

و مثل ما قال الرسول عليه الصلاة و السلام ..
إذا فسد أهل الشام فلا خير فيكم ..

و منصورين بعون الله …

****************************


ان مع العسر يسرا
الرجوع الى أعلى الصفحة اذهب الى الأسفل
صفاء القلوب
وسام العطاء
وسام العطاء
avatar

عدد المساهمات : 3277

مُساهمةموضوع: رد: من اهم منجزات الثورة السورية ...هو سقوط الاقنعة    الأربعاء أبريل 04, 2012 11:52 am


****************************






الرجوع الى أعلى الصفحة اذهب الى الأسفل
 
من اهم منجزات الثورة السورية ...هو سقوط الاقنعة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أصدقاء التل  :: الثورة السورية :: صدى الثورة السورية-
انتقل الى: