أصدقاء التل
اهلا وسهلا بك معنا أخي الكريم

أذا كانت هذه زيارتك الاولى فنتمنى ان تعجب بمنتدانا وان تستفيد معنا

ونتمنى ان تكون عضوا بفريق الاعضاء المميزين


((أعضاء منتدى أصدقاء التل ))



 
الرئيسيةاصدقاء التلالتسجيلدخول
لاتنسى ذكر الله . اقم صلاتك قبل مماتك . يا رضى الله ورضى الوالدين  . الجنة تحت اقدام الامهات  . لا أله الا الله محمد رسول الله . سبحان الله والحمد لله والله أكبر
اللهم اكفني بحلالك عن حرامك واغنني بفضلك عمن سواك، اللهم اني اعوذ بك من الهم والحزن والكسل والبخل وضلع الدين وغلبة الرجال

اللهم احقن دماء المسلمين
شاطر | 
 

 امثال شعبية ليبية قديمة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
askema77
عضو نشيط
عضو نشيط


عدد المساهمات : 46

مُساهمةموضوع: امثال شعبية ليبية قديمة   الأربعاء فبراير 17, 2010 3:49 pm

[size=24]

205اللي تخدمه طيعه واللي ترهنه بيعه
204اللي يدير وحه قنطره ايتحمل الدوس
203اللي ما عندها كرعين ما عندها عليش تصبي
202العقرب اخت الافعى
201يبرى المريض وينسى جميل المداوي
200العيب من صاحب العيب موش عيب
199نزول البلاء ولا مراجاته
198النعجة الصياحة ما يسرقوش ضناها
197النسب كيف الحليب أبسط حاجة تعكره
196اللوح قال للمسمار فلقتني قاله من الدق اللي على راسي
195الكلام كيف حبل الصوف كل ما تشده يتمرن
194العمى قال للعور كاس العمى مر قاله نص الخبر عندي
193الصيف بو راقد الريح
192الصقر له همة ايموت من الجوع وما ينزل على رمة
191حتى الحديد ايبيد
190بعد شبع قال مالح
189كيف اللحمة المعفنة لا اتعرى لااتورى
188اللي عقبه خيه ما ذل
187العرق دساس
186الجدي يعلم أمه الرضاعة
185كحل في عين عورة
184اللي تنقطع وذنه في الحق ما يتسماش عكروت
183يسف في الملح ويقول سكر
182القرد في عين امه غزال
181زيد اميه زيد دقيق
180باع الموالف وشرا المخالف
179نص المعيشة دباره
178البير اللي تشرب منه ما ترمي فيه حيطة
177كل عتبة تنادي صاحبها176عتب ونواصي وبعض من الذريه
175حمل الجماعة ريش
174ما تعاشروا اثنين نين جا الكيد عالآخر
173على قد غطاك مد كرعيك
172الحسد عند الجيران والبغض عند القرايب
171آخر الطب الكي
170حمارك ولا جمل بن عمك
169اللي ما فيدك اتكيدك
168يكمل النهار في نفخ النار
167العين بصيره واليد قصيره
166اللي ما تشوفها العين واعرة
165نص الطريق ولا كمالها
164اللي تديرها العمشة ياكلوها ضناها
163اللي ما ياكل بيده ما يشبع
162الكذب حبله قصير
161تخاف من الخنافس وتلعب بالافاعي160
المال يدير في المالح طريق
159اللي ما يخربه عقله ما يخربوه الناس
158العين ما يملاها غير حفنة تراب
157اللي ما يبكي خانقته العبره
156اسرق وصدق يا عدو الله
155كيف النخلة العوجة ترمي على بره
154السبع بعد يكبر يبقى ملعبة للقرود
153البصيص ولا العمى
152اللي يكثرن بناته يناسب بيهن القرود
151التفرجة تطول العمر
150عرقوبها جلاب
149الهم ما يقتلش غي ايخلف
148خبزة الشرك ما تطيب
147الحرة تغزل بكراع الحمار
146العين تكسر الحجر
145ألعب وحدك ما تشك
144كلمة السو تمشي وتصبي نين توصل صاحبها
143الدم عمره ما يبقى شراب
142كلمة الحق وجاعه141اللي ما تقسم اتطيح من بين ايديك وفمك
140يتطاير كيف القمحة في الحماس
139الحي في التفكير والرب في التدبير
138هي هنا وصياحها في الوادي
137حرك بالعود واسقي مسعود
136ما يبوا الحدايد إلا للشدايد
135اللي يحق قمح الناس ما يبدد شعيره
134رزق الحلال يرق وما ينقطع
133رزق الحرام يخش على رزق الحلال ياخذه ويطلع بيه
132رخص الحرير نين نزلوا بيه وذان القدور
131طعامك ما جاني ودخانك عماني
130وين يشبع الحمار يطرطش علوقه
129كيف اقراية اليهود ثلثينها كذب
128خلق الله البلاء وخلقله هله
127الوجه اللي تقول بيه قابل بيه
126حمرةً في الوجه ولا غصةً في القلب
125اللي بيده ربي يزيده
124وراه النجوم في عز القايلة
123نجوم السماء أقربلك منه
122اشري لولدك خال
121حتى البحر يبي الزيادة
120علموه الصلاة سبقهم عالجامع
119خنقة الكلب خير من قتلته
118صاحب بوك خير من صاحبك
117قلة المعرفة كيف قلة الخير
116المقهور عمره طويل
115وين تطيب النية الحوش ياسع مية1
14يغرق في شبر اميه
113حق ناس ياخذوه ناس
112اللي ما يشري ايتفرج
111تبع البومة تشيلك للخرابه
110اللي من نصيبك تصيبك
109سبحان الخالق الناطق
108البطن تجيب الصباغ والدباغ
107حبال السو طاحن في البير

106خرافة أم بسيسي
105الغالي سعره فيه


[b]104البير الحلو ديما نازح
103الخبر يجيبنه الحطابات
102الجعان يمضغ الحيط


[b]101اللي يقعد في الدار يعطي الكرا


[b]100خلط شعبان في رمضان


[b]99الخرسة خذوا راجلها تكلمت


[b]98شاوره وما تعباش عليه


[b]97الحيا في الرجال يورث الفقر


[b]96الخميرة قبت والعجينة انكبت


[b]95الرايب مايردش حليب


[b]94الشاطرة تقضي حاجتها والخايبة تنده جارتها


[b]93اتغرقه في البحر ايطلعلك في فمه حوتة


[b]92الفار السمين من حظ القطوس


[b]91القديمة تحلى ولو كانت وحلة


[b]90الكذب إن كان عشاك ما يغذيك


[b]89المال يمشي والرجال اتجيبه


[b]88اليد اللي ما تقدر تعضها حبها


[b]87الجمل ما يشوفش عوج رقبته


[b]86المال السايب يعلم السرقة


[b]85الغايب كشيكه معلق


[b]84التمر ما يجيبنه مراسيل


[b]83النشدة تدل الذاهب


[b]82املا البطن تستحي العين


[b]81شروط النسيب الكاره


[b]80احترم بوك ولو كان صعلوك


[b]79حسدوا العمى على طول عصاته


[b]78الضربة اللي ما تكسر العظم تقويه


[b]77ضربه في راسه طارن شلايكة


[b]76الضحك ساعة والبكا مشوار


[b]75الخلخال يرن والمصران يزن


[b]74المتفرج اسطا


[b]73يتعلم الحسانة في روس اليتامى


[b]72ايسيب اللي ذبح ويمسك اللي سلخ


[b]71ايش زرك عالمر قال اللي أمر منه


[b]70يشيلك للوادي ويردك عطشان


[b]69يغنيلها وهي طرشة


[b]68اللي عضك وقضك لسنونه


[b]67يعد سنون الكلب وهو ينبح


[b]66القوم تنسى اخيارها


[b]65اضرب النقص تجي انت والحق سوا


[b]64يفصل في الزناقي ويخيط في الشوارع


[b]63الليل بوذيناته والنهار بعويناته


[b]62اللي يحل فمه يخشله الذبان


[b]61اللي يبدلك بالفول بدله بقشوره


[b]60اللقمة الهنية تكفي مية


[b]59سلف السبت تلقى الاحد


[b]58اللي يسلف السبت يلقى الاحد


[b]57تقول يزروا فيه على شهادة زور


[b]56اللي ما يبكي خانقته العبرا


[b]55اللي ما يعرف الصقر يشويه


[b]54بعد ما شاب خش الكتاب


[b]53بيع الذهب واشري العتب


[b]52بعد ما شبع قال سامط


[b]51اللي عقبه خوه ما ذل


[b]50اللي يحط روحه في النخالة يبربشه الدجاج


[b]49حتى وهي مريضة ما تنسى القريضة


[b]48دار السبع قعدت ملعبة للقرود


[b]47اللي يكرهك يحلملك الحلمة الشينة


[b]46اللي ما عنده شاهد كذاب


[b]45راقد الريح ينبحن عليه كلاب السبخة


[b]44زيتنا في دقيقنا


[b]43سكر دارك ولا تخون جارك


[b]42صوابعك مش كيف بعضهن


[b]41طول السلك يودر لبرة


[b]40طعامك ما جاني ودخانك عماني


[b]39عارف ما في الديك قلعله سنونه


[b]38علمناهم الشحاتة سبقونا عالجوامع


[b]37عصفور في اليد ولا صقر حايم


[b]36على مهلك توصل هلك


[b]35على طول فراشك مد كرعيك


[b]34زر كلبك عالساس يعضك


[b]33عمايم على بهايم


[b]32فقر وعنطزة


[b]31فقير بلا دين غني


[b]30كيف الخنفوسة لا تاكلها لا تلعب بيها


[b]29كيف عزايز الفرح وكال وقرمة


[b]28كإنك يا بو زيد ما غزيت


[b]27كل لقمة تنادي صاحبها


[b]26كل جغمة تبل الريق


[b]25كل شاه معلقة من عرقوبها


[b]24كل سيد عنده سيد


[b]23وين ما تحط نفسك تلقاها


[b]22كل ساعة بفرجها


[b]21كلام الليل مدهون بالزبدة


[b]20كيف ما يجيك الزمان تعالٌه


[b]19ما ينفع في البايد ترقيع


[b]18ما تعرف خيري نين تجرب غيري


[b]17هبلة وحصلت سبلة


[b]16ما كحلت العمشة نين فاتها العرس


[b]15مريض متكي على ميت


[b]14مش كل من ركب حصان فارس


[b]13ما تمسح دمعتك إلا يدك


[b]12من زبيبة يسكر


[b]11ولد الفار يطلع حفار


[b]10مشت تاخذ بثار بوها ردت حامل


[b]9البحر ديما يبي زيادة


[b]8الحيطة الواطية ينقزن عليها الكلاب


[b]7الدلاعة ما تكبر إلا في عشبتها


[b]6يموت الزمار ويده تلعب


[b]5العلم في الراس مش في الكراس


[b]4الموت يجي على اهون الاسباب


[b]3الجمل بعد يطيح يكثرن سكاكينه


[b]2انصح الجاهل يعاديك


[b]1أول الطريق ولا كمالها
[
الرجوع الى أعلى الصفحة اذهب الى الأسفل
المهـــ Aــــــــاجر
وسام التميز والابداع
وسام التميز والابداع


الاوسمة سكت الليل وروح القمر، وسكن الظلام و اشتد علينا الهجر استنينا نور الفجر المش مطول ، بس الغجر قتلوا اهل الشرف وظلوا ذئاب البشر، الليل حزن علينا والظلام بشد ايدنا حتى العذاب مش متحمل اللي بتشوفو عنينا.
عدد المساهمات : 8554

مُساهمةموضوع: رد: امثال شعبية ليبية قديمة   الأربعاء فبراير 17, 2010 4:02 pm

شئ حلو
الامثال العربية تقريبا مشابهة لبعضها في اغلب الدول العربية

****************************
اصــدقائــي   اصــدقاء   التــــل



[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://friends.talk4her.com
مسلم حر
وسام الرياضي


عدد المساهمات : 1352

مُساهمةموضوع: رد: امثال شعبية ليبية قديمة   الخميس فبراير 18, 2010 8:44 pm

بارك الله فيك اخى العزيز

[ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]

****************************
[ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
المستحيل
عضو ذهبي
عضو ذهبي


عدد المساهمات : 494

مُساهمةموضوع: رد: امثال شعبية ليبية قديمة   السبت فبراير 20, 2010 11:30 am

شكرا جزيلا لكم


الرجوع الى أعلى الصفحة اذهب الى الأسفل
المعدب بك
قلم ذهبي
قلم ذهبي


عدد المساهمات : 268

مُساهمةموضوع: رد: امثال شعبية ليبية قديمة   الثلاثاء فبراير 23, 2010 7:12 pm

نخالتي ولا قمح جارتي ...
حمار نكاس ولا جميل الناس ..
يسلموااااااااااااا أخي الكريم والله
روووووووووووووعة مشتاقين
لحكم الأولين

****************************
إن لم تحقق أحلامي فيكفيني منها أنني عايشتها في خيالي
لذا لن أندم على مامضى لأنه جزء من حياتي
الرجوع الى أعلى الصفحة اذهب الى الأسفل
alz3im
كبار الشخصيات
كبار الشخصيات


عدد المساهمات : 3787

مُساهمةموضوع: رد: امثال شعبية ليبية قديمة   الخميس فبراير 25, 2010 4:40 pm

الباب اللي يجيب ريح سدوا واستريح
[ندعوك للتسجيل في المنتدى أو التعريف بنفسك لمعاينة هذه الصورة]

شكرا لك اخي
سيكما
[ندعوك للتسجيل في المنتدى أو التعريف بنفسك لمعاينة هذه الصورة]

****************************
[ندعوك للتسجيل في المنتدى أو التعريف بنفسك لمعاينة هذا الرابط]


[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]


ان مع العسر يسرا
الرجوع الى أعلى الصفحة اذهب الى الأسفل
رجل الشمس
عضو نشيط
عضو نشيط


عدد المساهمات : 77

مُساهمةموضوع: رد: امثال شعبية ليبية قديمة   الجمعة فبراير 26, 2010 12:06 am

شكرا لك بجد الامثال الشعبية

عبرة
الرجوع الى أعلى الصفحة اذهب الى الأسفل
مسلم حر
وسام الرياضي


عدد المساهمات : 1352

مُساهمةموضوع: رد: امثال شعبية ليبية قديمة   الأربعاء مارس 17, 2010 9:18 pm

هذا هوا تراثنا بارك الله فيك ذكرتنا بالماضى
[ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]

****************************
[ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
 

امثال شعبية ليبية قديمة

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

 مواضيع مماثلة

-
» برنامج Opera Mini v4.3 الاكثر شعبية في العالم المحمول لتصفح الانترنت

صلاحيات هذا المنتدى:لاتستطيع الرد على المواضيع في هذا المنتدى
أصدقاء التل  ::  :: -